Ө.Батзул агсны ослын яллагдагч Ц.О-д холбогдох шүүх хурал маргааш болно

2025-09-22

Орхон аймгийн Баян-Өндөр сумын харьяат Монгол Улсын начин Ө.Батзул агсан нь өнгөрсөн оны долоодугаар сарын 30-нд Орхон аймагт зохион байгуулагдсан “Илгээлтийн эзэд” хангайн бүсийн даншиг наадамд барилдахаар явах замдаа авто ослын улмаас амь насаа алдсан харамсалтай хэрэг гарсан билээ.

Улмаар тээврийн прокурорын газраас эсрэг урсгалаас орж ирж мөргөлдсөн машины жолооч Ц.О-г яллагдагчаар татан мөрдөн шалгах ажиллагаа явуулан хэргийг Сэлэнгэ аймгийн сайхан сум дахь сум дундын эрүүгийн хэргийн анхан шатны шүүхэд шилжүүлжээ.

Анхан шатны шүүх есдүгээр сарын 16-нд хэлэлцэн хэрэгт холбогдогч талаас хохирол барагдуулах тав хоногийн завсарлага авчээ. Улмаар Ц.О-д холбогдох хэргийн гэм буруугийн шүүх хурал Сэлэнгэ аймгийн Сайхан сумын сум дундын шүүхэд маргааш буюу / 2025.09.23/-нд товлогдсон байна.

эх сурвалж: eguur.mn

© 2025 он. Star Tv. Бүх эрх хуулиар хамгаалагдсан. Вэб хөгжүүлэгч Mind Agency