Гэр бүлээс гадуурх харилцааг хуульчлах зорилгоор иргэдээс санал авч, цахим гарын үсэг цуглуулж эхэлсэн. Хэрэв энэ саналыг дэмжиж 100,000 иргэн гарын үсэг зурвал УИХ-аар хэлэлцэх боломж бүрдэнэ.

Тодруулбал, гэр бүлтэй хүнтэй дотно харилцаанд орж нөхөр /эхнэр/-т

• баригдсан нотлогдсон,
• гэр бүл салалтад шууд нөлөөлсөн,
• сэтгэл санааны хохирол учруулсан гуравдагч этгээдэд мөнгөн торгуулийн шийтгэл /5’000’000₮-10’000’000₮/ цаашлаад тодорхой хугацаатай баривчилгаа, албадан хөдөлмөр хийлгэдэг болох зэргээр санаачлаад буй.

Энэ харилцаа хуулиар хязгаарлагдсанаар хүмүүсийн ухамсар буруу үйлдэлд нөлөөлж гэр бүлээс гадуурх харилцаа буурна. Гэр бүл салалт багасна гэж үзсэн байна. Мөн хүүхдийн эрх зөрчигдөж буй асуудалд ахиц гарна гэж үзжээ.

Одоогоор уг саналыг дэмжиж 5,544 иргэн гарын үсэг зураад байна.

эх сурвалж:newspress.mn