МҮОХ-ны Гишүүн спорт холбоодын Ерөнхий нарийн бичгийн дарга нарын семинар энэ сарын 14-ний өдөр Олимпик хаусд боллоо.
Семинарт 40 гаруй холбоодын ерөнхий нарийн бичгийн дарга нар хамрагдаж, Спорт дахь аюулгүй байдал, тамирчин хамгаалал, Спортын менежментийн түргэвчилсэн сургалтын мэдээлэл, Клубийн менежмент, цахим бүртгэлийн систем, ОУОХ Эв санааны нэгдлийн 2025-2028 оны төлөвлөгөө, мэдээлэл зэрэг сэдвүүдээр хэлэлцжээ.
Семинарт МҮОХ-ны Ерөнхийлөгч, ОУОХ-ны Гишүүн Б.Баттүшиг, Тэргүүн дэд ерөнхийлөгч Ч.Наранбаатар, Ерөнхий нарийн бичгийн дарга Э.Бадар-Ууган нар оролцож спорт холбоодын үйл ажиллагааг түлхүү дэмжин ажиллахаа илэрхийллээ.
Түүнчлэн МҮОХ-ны Ерөнхийлөгч Б.Баттүшиг баг тамирчид, спорт холбоодод чиглэсэн олон улсын төсөл хөтөлбөрүүдийг хамтран хэрэгжүүлэхэд нээлттэй байгааг онцлов.
0 cэтгэгдэлтэй