Ойрын өдрүүдэд ихэнх нутгаар хүйтэрч цасан болон цасан шуургатай болохыг цаг уурын байгууллагаас сэрэмжлүүлж байгаа юм. Зам тээвэр хөгжлийн яамны мэдээлснээр Өлгий-Цагааннуур улсын хил чиглэл дэх Зээгтийн даваанд хүчтэй цасан шуурганы улмаас авто замд цас ихээр хунгарлаж, хүндрэлтэй байгаа ба зорчих хэсэгт тогтсон цасыг авто ачигч болон автогрейдерээр цэвэрлэж, даваанд саатсан тээврийн хэрэгслүүдийг даваагаар гаргаж шуурхай ажлын хэсэг уртасгасан цагаар ажиллаж байна.

Иймээс, иргэд, жолооч, тээвэрчид та бүхэн цаг агаарын мэдээ, мэдээллийг цаг тухай бүр хүлээн авч, хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, баталгаат зам, гүүр, гармаар зорчихыг анхаарууллаа.