“Улаанбаатар марафон 2024” олон улсын гүйлтэд оролцогчдын бүртгэл өнөөдөр 17:00 цагт хаагдана

2024-05-20

“Улаанбаатар марафон 2024” олон улсын гүйлтэд тавдугаар сарын 19-ний байдлаар нийт 12,200 гаруй иргэн бүртгүүлжээ.

Марафонд оролцогчдын бүртгэл өнөөдөр 17:00 цагт хаагдах юм. Энэ жил 10, 21, 42 километрт гүйгчдийн бүртгэл өнгөрсөн оныхоос өссөн үзүүлэлттэй байна.

Өнгөрсөн онд

10 километрт 1,368 гаруй гүйгч
21 километрт 542 гүйгч
42 километрт 140 гүйгч бүртгүүлж байжээ.

Харин энэ жил

10 километрт 1,866 гүйгч
21 километрт 917 гүйгч
42 километрт 180 гаруй гүйгч бүртгүүлсэн байна.

Мөн таван километрийн зайд гүйхээр 8,000 гаруй хүн бүртгүүлжээ. Таван километрийн гүйгчдийг 12-17 нас, 18 наснаас дээш гэсэн хоёр ангиллаар бүртгэж байна.

Гэр бүлийн гүйлтэд 1,100 гаруй хүн гүйхээр бүртгүүлсэн бол 1.5 километрийн тусгай хэрэгцээт иргэдийн гүйлтэд 29 хүн бүртгүүлжээ.

Өнгөрсөн амралтын өдрүүдэд олон улсын гүйлтэд бүртгүүлэгч болон энгэрийн дугаар авах иргэдийн идэвх нэмэгдсэн байна. Өнөөдрийн байдлаар бүртгүүлсэн иргэдээс 7,100 гаруй нь энгэрийн дугаараа авлаа.

Энгэрийн дугаарыг тавдугаар сарын 25-ны өдрийг хүртэл тараах бөгөөд дараах цэгүүдэд олгож байна.

5км-ийн гүйлтийн энгэрийн дугаар олгох цэгүүд:

2024.05.01-05.20-ны 09:00-18:00 цагт – Есөн дүүргийн Биеийн тамир, спорт хороо
2024.05.15-05.20-ны 09:00-18:00 цагт – Нийслэлийн нутгийн захиргааны IV байрны нэгдүгээр давхарт буюу “Зоос гоёл”-ын замын урд байрлах Нийслэлийн Биеийн тамир, спортын газар

1,5км, 5км, 10км, 21км, 42км-ийн энгэрийн дугаар болон мерчиндайз бүтээгдэхүүн олгох цэгүүд:

2024.05.15-05.20-ны 11:00-20:00 цагт
2024.05.15-05.20-ны 09:00-18:00 цагт

Бүртгүүлэх холбоос:

Сайтаар бүртгүүлэх: https://ubmarathon.hipay.mn/

Hipay аппликэйшнээр бүртгүүлэх: www.hipay.mn/app